مصطفي بطران: ليل السعاده

..................................................
اغنية: ليل السعاده
كلمات الشاعر: مصطفى بطران
الحان وغناء: الفنان الحاج محمد احمد سرور
اداء: الفنان بادي محمد الطيب
..................................................
يا ليل السعادة يا نور البصائر
جوك جو معطر بدرك ليلُ ناير
..
يا ليل جات نسايمك حاملات البشاير
اصدر لينا طيبن بالأفراح نشاير
..
الكون بالتهاني متبادل الاشاير
ما بين القبائل وأفراد العشاير
...
الغيث بقدومك يا ليل جانا زاير
زار الساحة غيمك وأتقطع جزاير
..
الشرد منامي وخلا فكرى حاير
يا ليل ديل نجومك أم وز في غداير
...
هاك إعلان سرورنا املابه الدواير
بدل لي حرورنا وأيامنا الجواير
..
يا ليل زى نسايمك ناسك ناس اخاير
هم للدنيا زينه وللحوبات ذخاير
...
يا ليل لنداك بأرواحنا بنبادر
جيلك زيه مافى وحورك حسنه نادر
..
قادل بين عفافه تالى كونه صادر
من اطهر سلاله ومن اشرف مصادر
...
يا ليل بي قدومك ترتاح الخواطر
كونه سماك صافى وكونه شذاك عاطر
..
طرفي أسباب هواه سيل دمعه قاطر
يا ليل كونه سرح ما بين جيد وفاطر
...
يا زهر الحديقة الفى أغصانه زاهر
لونك من جماله يخلى الزول يظاهر
..
أما المتلى هايم فيك يا ليل مساهر
عارف أسباب هلاكه وبالسر ما بجاهر
...

..

..

..

.. حذو ..