......................................................
اغنية: زيدني في هجراني
كلمات: الشاعر عمر البنا
الحان وغناء:عبدالكريم عبدالله مختار كرومه
......................................................
وفي هواك يا جميل .. العذاب سراني
على عفافك دوم..سيبني في نيراني
..
لمتين تطراني .. أنظرك في النوم
جوز نواعسك راني ..
..
طرفي قصدو يراك .. و ما قصدت تراني
ما بسيب حبك ..و الله لو ضراني
..
يا نعيم أزماني ..يا حياة روحي
و بهجة أمدرماني ..
..
في الحياة غيرك .. مافي زول هماني
و في بعادك أزاي ..و في وصالك أماني
..
بلبل الأغصان ..غنى بي ذكراك
و بالنويح أوصاني
..
الجمال خصاك ..و العذاب خصاني
و الدلال أوصاك ..علي دوام تعصاني
..
زهرة البستان .. تحكي بسمة فاك
وطرفك الفتاني ..
..
جاب نسيم الليل .. بي روايحك اتاني
زاد علي الشوق .. ودمعي سال هتاني
..
المنام جافاني .. من جفاك ياحبيبي
وصبري الصبح فاني ..
..
لو اشوف شخصك .. في خيالي يلفاني
كان طلع سعدي .. والزمن صافاني
..
مال فريعك باني .. فيه بدر وظلمة
وفيه ردفا باني ..
..
من لحاظك صارم .. بالهلاك انباني
بين نعس عيناك .. الكحلهن رباني
..
يادرر الحاني .. ويااذاي ودواي
ياراحي ياريحاني ..
..
انت نايم وانا .. الم البعاد صحاني
حن علي غرامك .. والله كاد يمحاني
..