ود الرضي: يامولاي زوجه

......................................................
اغنية:يا مولاى زوجة
كلمات: محمد ود الرضى
ألحان وغناء: الحاج محمد احمد سرور
اداء: مبارك حسن بركات
....................................................
يا مولاي زوجة يكون شلوخا تلاته
الاتنين نبكر بالبنية حلاته
..
بالطرب الشديد اترامحن خالاته
يات من شاله وضح فمو في وجيناته
انصرفو السبوع و اتن جميع اماته
باللتنين عزمنا على ضبح تسماته
انصرفو الشباب الجملة عزو حماته
واقفين كالكهارب يضووا لي مهماته
..
من كان حدقلو اسم بقت العباره جسيمه
سميناها آمنة إن شاء الله حق اسيمه
بت ارباب تحضر ليو و تختو وسيمه
وبين المايقين يلمع كانو قسيمه
..
كمان منو وين وين الناس يجو يشيلوها
امها ما المسيخه ما بتقول خلوها
زياده عن اللزوم الزارتن جلوها
في صنيقيرة باصيبعات مرد بلوها
..
مي وسيخانه حاجه لطيفه
نفسك تنفتح وكتين تمسو قطيفه
ان جيت شلتها تجيك هي مليهيفه
و تاخد ليها ضحكة وتبردك بي هيفه
..
حليوة حنينه
و رايق طبعها ذاته البريده لوينه
للمرسال تحضر مي القريزنه هيوينه
و مي شالقه ام شليق والله اعظم عينه
..
مما نشت بي باله
عجب ان جانا ضيف فد حاجه مي خرباله
ان دخلت تقنب ما بتحوم شرباله
ان مرقت تشيل ناس خالتا القارباله
..
كمان شوف امها شوف ذوقها وشوف معناها
ما بتقول بدور و بدور ولا خصاها
بي كل القنع رب العباد خصاها
و ما وصيتا الا الناس تقول وصاها
..
جاها الباذل اللا هو لك و لا هو لكالك
عاد ما برحله يقول ليها مالك مالك
طيعوهن كما طيعو امامكم مالك
آمين القاها و تكون هي كذلك
..
و تقول لي يابا وانا اقولها امي انتي
تعالي لي و بريدك انت ما خشنتي
قول للعاشقين بالبختِ ما بالبحتي
و انا حلالي بيها اديها لي ود اختي
..

..

..

..

.. حذو ..