....................................................................................
اغنية: البريق العاتم سماهو
كلمات: محمد ود الرضي
الحان وغناء: الحاج محمد احمد سرور
اداء: مبارك حسن بركات
.....................................................................................
البريق العاتم سماهو .. أم فويطر زين باسماهو
..
يامنام عنى اعلماهو .. انى والِه اشتاق لماهو
علا يرحم قلباً رماهو .. من مبرد عاسل لماهو
..
طيفو حسس قلبى ورماهو .. قتلو راعى الحال ارحماهو
امتى حرمك ادخل حماهو .. قالى مذهب مالك حماهو
..
شعره يسدل يستر قفاهو .. خده يسطع يظهر خفاهو
البروق والغيم فى صفاهو .. يحكو فرة فاطرو وشفاهو
..
النجل داغسات ناعساهو .. جدله ايده التنه رساهو
ديمه ذاكر ودايما نساهو .. عل يشعر بذلك عساهو
..
يمشى ردفه يكاد يوقفاهو .. كتفه يلثم طيات قفاهو
المرجرج كفله الكفاهو .. والمزمزم زى خاتمه فاهو
..
دا البهد للامل بناهو .. البزيد للعاشق عناهو
البخل للعابد سناهو .. دا البنسي العاقل جناهو
..
لو تريض ساع عشاهو .. طيبه سكن الطريق المشاهو
القمر والبان اختشاهو .. ومن جبينه وميله حشاهو
..
الخديد النور مساهو .. رفا نور الهيبا الكساهو
صدره اينع ثمراً اساهو .. مالبُه حاكى البرزخ رساهو
..
..
..
..
.. حذو ..