عمر البنا: في الليل الهاجع

...........................................................
اغنية: فى الليل الهاجع
كلمات: الشاعر عمر البنا
الحان وغناء: عبدالكريم عبدالله مختار " كرومه"
اداء: الفنان عوض الكريم عبدالله
...........................................................
في الليل الهاجع غرد ياساجع
اذكر احبابي وهيج اشجاني
..
أرجوك يابلبل حين تقفل راجع
غرد وأذكر نوم عيني الناجع
وهجراني الطال وبكاي وحناني
..
وأشواقي الزدات تحتاج لمراجع
عسي يرحم حبي لي عقله يراجع
وبي عين الرحمة والرضا يرعاني
...
ما بخشي عزول في هواك يرافع
ومابخشي رماح وسيوف ومدافع
بس بخشي جفاك يانور إنساني
..
مظلوم من بعدك شكواي ليك رافع
ونحول اعضاي عن حالي يدافع
ياسكينة قلبي وصحاي ووساني
...
مضروب لحظاتك غير شك ما نافع
لي عازلك وعاطفك سهمك مارافع
جبار و مهاب تسبي الفرساني
..
يهواك الناسيك والكاهل واليافع
لو حظاك راجع اهواك من دافع
قلبو وفي الحال يسلي الأوثاني
...
ياظبئ الانس لك سعدك تابع
بين روض الجنة والنيل النابع
ما بين ظلال في نعيمك هاني
..
ما تجاسر طيار لسماك الرابع
حتي يعشم في طلوع السابع
دم بين علاك في سرور تهاني
...

..

..

..

.. حذو ..