عبيد عبدالرحمن: ازاك ياعيوني

أزاك يا عيونى

من أغاني عام 1956م
لحن وغناء ابراهيم الكاشف
والأغنية نتيجة أحاسيس خفية تسببت
فيها العيون وما أكثر ما تتسبب فيه العيون


أزاك يا عيونى ... جزاك
درت السهر لى روحك براك

********

ورينى كيف
زدتى إنهمال
ورينى ليه
شفت الجمال

********

مسحورة بى سحر الدلال
مفتونة بى عيون الغزال
الله لا يهدى الكان هداك

********

الليل ليك كم ليل ويوم
ولهانة سهرانه النجوم
فى سيل دموعك عايم عوم
لا شايفة زول لا لاقية نوم

********
يا عيونى ايه
الكان هداك
تتشابي لى
شوفة الملاك

********

سببت لى يا عيونى نوح
وهديتى لى قلبي الجروح
هزيتى جسمى أذيتى روح
وبعدت بى عن النصوح
وقعت فى شراك الشباك
وأحترت كيف أعمل معاك