صالح عبدالسيد "ابوصلاح" ..ارحم ياسمير

..........................................................................
اغنية: ارحم ياسمير
كلمات: صالح عبداليد "ابو صلاح"
الحان وغناء: عبدالكريم عبدالله مختار "كرومه"
اداء: اولاد المورده
...........................................................................
ارحم يا سمير قلبى المانساكا
اسمح لى بنظره لو فى الطيف عساكا
...
ليه دلك وتيهك مع تشديد قساكا
جوا فؤادى ساكن صبحك ومساكا
..
حسنك خفا قلبى وتقلك رساكا
بغرامك كسانى وبالانوار كساكا
...
يا الظبي المروقل جافل بى وداكا
وصل سمعي صوتك من واحة نداكا
..
يا غزال لى هلاكى وقتلى انا مين هداكا
الموت بين كواحلك يانوعيس هداكا
...
انتا السالى جيلك وجيلك ما سلاكاه
انتا بتجلى حليك وما بتجلوه حلاكا
..
كل الناس تحبك وكيف تعشق بلاكا
يامراهيم جروحا و يا ملكا و ملاكا
...
جل البارى ابدع فى حسنك براكا
علشان قلبى يسعد فى حبك براكا
..
كل الناس تزورنى هل فى الطيف اراكا
يالراشا ياالمهفهف يا شويدن الاراكا
...
ياجدي التمائم ظل الغيم رعاكا
راتع فى الخمائل قانص ما سعاكا
..
كيف تصطاد قلوبنا والشئ الدعاكا
ارجع من هظاراك وجيب قلبى معاكا
...
مكحول الخمائل بالنظر اشتهاكا
يزدرى بالزهور الفى الاكمام زهاكا
..
يالفى الخصره لينك فى جيدك بهاكا
نومى الشيلتو جيبو هاكا قليبى هاكا
...