كلمات : السر دوليب
ألحان : الفنان الاستاذ عثمان حسين
ما احلاك
حبيبى . . ما احلاك
لو كنت حنين
أو كنت ضنين
راضى . . شقاي
وسعدى معاك
* --- * ---- *
أبعدنى من دنيا الناس
حلق بى فى عوالم فوق
ذوبنى رقة وإحساس
اغمرنى حنية وذوق
اسمعنى كلام . . حلو الانغام
ونسينى خصام . . وعتاب وملام
خلى الشوق للريد . . عنوان
وخلى البسمة شعارنا دوام
* ---- * ----- *
أشغل فكرى وقلبى عليك
غافر ليك يا حبيبى سماح
رسل لى خيال عينيك
يلازم عينى ليل وصباح
لو كنت بعيد . . فى البال موجود
أو انت قريب . . بالشوق مفقود
شوقى اليك . . ما ليه نهاية
وسهرى وصبرى . . علىّ شهود
* ---- * ---- *
أوعدنى لو وعد سراب
أشوفو حقيقة واستناك
عاتبنى بأمرّ عتّاب
زيد فى صدك . . ما أحلاك
ابعدنى دلال . . مرات مرات
وقربنى وصال لحظات . . لحظات
حبيبى الحب زهور واشواك
وزي الطيب نفحات . . نفحات