صالح عبدالسيد "ابو صلاح" .. ضامر قوامك

.......................................................
اغنية: ضامر قوامك
كلمات: الشاعر صالح عبدالسيد "ابو صلاح"
الحان وغناء: عبدالكريم عبدالله مختار "كرومه"
اداء: احمد حسن جمعه وميرغني المامون
........................................................
ضامر قوامك لان
قلبك قسى وجافيت ليه يا جدي الغزلان
...
أسهرت جفني ملان
يذرف دمع نازل كالمزن في الهملان
..
ما بصح ليك يا فلان
طرفك دوام ناعس وأنا طرفي ما غفلان
...
ظهرت شكلك بان
كوكب منير أشرق من فوق غصن البان
..
كم ليك محب تعبان
درب العشق ساهل ودرب الوصال صعبان
...
كالظبية في اللفتان
أما الخديد ناعم ذي زهرة البستان
..
تجد الطباع آمن
وحسن بديع رائع منظر جميل فنان
...
لا يحصى وصفه لسان
وجهك بدر كامل من البدور إحسان
..
ما قصدي فيك لمسان
مقصودي بس شوفتك لا تضيعني يا إنسان
...
القمري في الاغصان
ذكرني ألفاظك وقلبي إنطرب فرحان
..
يتواري لي لمحان
بروق درر فاهك بالراح والريحان
...
ليه كفك إتحنان
وليك قلب القاسي ما فيه لي حنان
..
يالراقص الفنان
حبك ملك قلبي وجننت عقلي جنان
..

..

..

..

.. حذو ..