صالح عبدالسيد "ابو صلاح" .. يارشا ياكحيل

..........................................................
اغنية: رشا ياكحيله
كلمات: الشاعر صالح عبدالسيد "ابوصلاح"
الحان وغناء: عبدالكريم عبدالله مختار "كرومه"
اداء: اولاد شمبات
.........................................................
يا رشا يا كحيل غيثني
الهوي سباني
...
يا الامرضني وماطباني
في خديدك يلوح نور رباني
..
نيران اشواقك لاهباني
واسهام الحاظك ناشباني
ومن ضمن الحاله التاعباني
مهضوم كشحك وصدرك باني
يتهادي يميل خصرك فريع باني
...
من شفت الحسن الفتاني
نومي ترحل ووجدي اتاني
..
ومال جيش حبك عتاني
بسهامو الما بتختاني
ومال صدرك لحشاك تاني
وكتفك مال به فريع بستاني
يتكل في دروعه يبوس تاني
...
لو للشعر قصيد و مساني
ما بجيد وصفك غير لساني
..
في فؤادي الحب مساني
واصبح بي هواك وما ساني
مايصح منك تنساني
لوغاب شخصك عن انساني
غير شك اوصاف حسنك مؤانساني
...
هبتلي روائح داهشاني
يانسيم عقب عود علشاني
..
قول ليهو غرامك اغشاني
وادركني الدمع رشاني
حسنك شانك والحب شاني
يا نسيم روح بلغ واغشاني
بي حق من انشاك وانشاني
...
ليه يا ملاك حسنه سجاني
ليك نوره وليك نار سارجاني
..
طرفي اللمحك هو الجاني
في بحور اشواقك زجاني
فيك خاطر بي وما نجاني
اعلم اقبل سعدي وجاني
لو في الاحلام طيفك نجاني
...
جمر الأشواق هب قلاني
ما انطفى بي دمعي البلاني
..
انا ما بسلاك لو تسلاني
طرفي اللي محاسنك دلاني
ملكني هواك وخلاني
فارقتا قريبي وخلاني
حسنك والاك والحب والاني
...

..

..

..


.. حذو ..