ود الرضي: ست البيت

.................................................................
اغنية: ست البيت
كلمات: محمد ود الرضى
الحان: الحاج محمد احمد سرور
غناء: عبدالله الماحي
اداء: مبارك حسن بركات
..................................................................
اريدا براها ترتاح روحي كل ما اطراها
ست البيت
..
قالت جارتا مجاوراها تجي شايله وتجي مزاوراها
تلحظ احتياجنا براها نشكر سعيها بي وراها
ست البيت
..
ربنا بالجمال كافاها لامن قال قواما كفاها
المسروره مي تافاها ياحلاة الكلام الكلام في فاها
ست البيت
..
راقيه سكوته من ميلادا مو سكاتاً تنو بوبلاده
نضيفه ومنظمين اولادا برضها عندي حلوه جلاده
ست البيت
..
تتلاصف سرور وجناتا الرافيه الكتار حسناتا
طيبة عشره مي غلاتا ماسابت الشباب لي بناتا
ست البيت
..
مابتحسب علي كليا تكرم كل منسوب لي
اطوع من بناني الي واشفق من جنايا علي
ست البيت
..
ماقالت بقيت حبوبه وتركت بوخته المحبوبه
لوجات من رياحا هبوبه بتحيي عروقك المهبوبه
ست البيت
..
من صابحتها وماسيتا طاعمه وناعمه لومسيتا
ماقاستني ماقاسيتا وتشكر فضلي كل ماكسيتا
ست البيت
..
مي العزايه دايما ًساقده ومي الغبشه المفبره حاده
مي اللهفانه بي ورا الماده دي اللي شبابا ديمه موادا
ست البيت
..
فاضي البال حليللا جنابو مااتغضبن لمس اشنابو
ولايوم سوء تفاهم نابو دي الامثالا نتغنابو
ست البيت
..
لو كان يوم حبيب واصلي الكرم العريض يوصلي
منها قط خلاف ماحصلي بس ازعاجا لي قوم صلي
ست البيت
..
ليه ماشكرا مطاوعاني وحافظه لمتعتي وحافظاني
حاويه من الانوثه معاني ومهما ابقى مر بالعاني
ست البت
..

..

..

..

.. حذو ..