عبدالرحمن الريح .. انا بيك سعادتي مؤكده

........................................................................
اغنية: انا بيك سعادتي مؤكدة
كلمات والحان: عبد الرحمن الريح
غناء: اولاد المورده
........................................................................
أنا بيك سعادتي مؤكدة
وبلاك حياتي منكدة
حرام عليك يا جميل
ما صح عليك تعمل كدا
...
يا من محاسنك بقلوب
عاشقين مستفردة
خليتني أشكو من الفراق
وأقول حقائق مفردة
..
وأقول حبيبي عمل عدوي
خلاني لي الأذى و الردى
ما عندي مانع حتى لو
ضيعني ساكن الموردة
...
أنا بمحاسنك بفتخر أنا طرفي شايفك يا جميل
أخد اللجين العسجدة
مهما أعاين في الشباب
وين ذي محاسنك أوجدا
..
قبال أراك أنا كنت في
أيام جميلة مبجدة
متى روحي من بعدالعذاب
تشفق عليها وتنجدا
...
وانت المحاسن سيدا
يومي الأشوفك يبقى عيد
والدنيا تبقى معيدة
..
البدر إن شافك يزول
من الأنوار الجيدة
أما الشمس لو شافتك
ترجع أسيرة مقيدة
..
يا من على حرب العشوق
لحظك جيوشه مجندة
وقامتك تطيبك كأنها
مخلوقة من زهر الندى
..
والحكمة في كونك بخيل
اهلك أرابيب الندى
أصلك بتدلل على
ولا الحكاية معاندة
...
بقا عقلي مشغول بالوصال
وأفكاري ديمه مهودة
خايفك تحرض يوم لقائي
وأيام عذابي تزودا
..
بالنفرة والجفا والصدود
مسلتا غزلان الودا
ونفسك على الجور والصدود
والجوعه اوعه تعودا
...