عثمان خالد .. بللور

قصيدة: بللور
شعر: عثمان خالد

زي دَفْـقة عطور
على بللور ونور
جذب الروح بنظره
وسابني أهيم أدور
في عالم جمال
كل جِنان وحور

طَغَي حُسْنُه أستبَّد
لما الصيد وَرَدْ
واتباهي النسيم
من عبقُه ابتردْ
كم ربرب مُحاذر
بان فيه الحسد
وكم مر هف معني
بقي مكتول كمد

****

دغدغني الهديل
لما بسم لهج
إصباح في عيونه
وليل وكمان دعج
ومِنَ الومضة والله
أنا خفت الوَهَجْ
والكون حوله راعش
مذهول .. ابتهجْ

****

الجاذب العيون
وحُسْنُه صبِح مَحَطْ
نادِي وخدُه ورده
عليها برد نُقطْ
كل غنايا ليكا
ولي حُسنك فقط
أصله جمال قبل دا
ماخلقوه قط
زي دفقة عطور
على بللور ونور